我是政治家 唔是政客 政治家有本領 苦讀三國演義模樣 權謀足敢用
我是政治家 唔愛政客 政治家有夠眼光 苦探人心走向 掠準群眾倥倥
我是政治家 唔敢做政客 政治家有手碗 若拼娶頭衝 專心累積家己的名聲
我是政治家 唔插政客 政治家有魔法 苦肉計神佫靈 騙步盡展立法院
我是政治家 唔捌政客 政治家有野心 苦衝為執政 百姓問題管怹娘
我是政治家 唔知有政客 政治家有才能 苦鑽官商法律空縫 空空褲袋仔裝互滇
我是政治家 唔交陪政客 政治家有外遇 苦造長稿接兩岸 家神食厝奶通外鬼
1994年10月15日稿成北美賓西茉里鄉 原登《笠》詩刊第186期 (95-4-15)
