日頭落海伊都天暗落來 月娘出來的時 登月的太空人伊都思念 思念嫦娥無影的月球 奈何太空船失航 已經有二十年
日黃昏彩霞伊都滿天邊 風微微啊、風微微 稻仔欉伊都滿身黃 粟仔穗飽滇沉頭 行過竹抱仔邊 水牛食草 多桑伊都巡田園
坐禪者神遊月宮 來去神速若電光 學伊踅過半粒地球 夢中的月光暝 神魂探訪嘉南平原 二十外年無見著的田莊
透早魚肚白的天 早雁一陣向南飛 風靜靜啊、風靜靜 楓仔葉定定金黃 金黃度過柑仔紅 清月圓圓掛天頂 心頭看著故鄉的卡桑
4-6-95 北美賓西茉里鄉
