事事倩人

想卜有囝
卻是驚疼
借人腹肚
倩人生囡

後生做小留學生
每月付千五美金
倩人款三頓
無親無成
結群組黨
林酒食毒

親人過身
出山倩人做孝男
沿路大哭
出山兼演脫衣舞
光光來佫光光去

食及色情家己來
無愛倩人
島內食夠海外
山珍及海味
國內開夠國外
青仔及幼齒

卜入聯合國
走去中南美洲
倩人代言
明明蕃薯仔
講伊是芋仔

蕃薯想卜出頭天
厝邊有惡豬仔
唔敢面對
倩人凸鼻仔交涉
看人目色
暝日吞吞忍忍

逐項攏倩人
食飽睏睏飽食
徛家厝那豬稠
蕃薯飼豬

1994初稿
5-23-95稿成茉里鄉