草山情 草山的土水甘 草山的菜頭脆 草山的芹菜芳 草山的冬瓜甜 新春草山頂 嫂仔現挽現煮 草山土水的的蔬肴 每碗攏有伊的親切味 食落心肝窟仔溫溫燒燒 離別卜有二年 離開半粒地球遠 猶原甜甜在心頭 嫂仔送我一大塊 鹽鹽的蔭蒔仔冬瓜 三不五時切一片 來煮一坩豬腳 啖一嘴兄嫂的美意 鼻一擺故鄉的水甜土芳 記1994年新春草山頂，兄嫂的親切招待，回味不盡：菜甜情甘。 1995年5月25日寫，12月3日定稿。