無地想伊 無地想伊 正舉頭的時 那像影著伊地笑 無地想伊 正專心處理工程問題的時 那像聽著伊地叫你 無地想伊 隆隆車開過秋天的山谷 那像看著身材修長的伊 踏過樹葉仔滿地的山坪 無地想伊 伊奈不時徙來 我的心肝內 那像心神隨時相偎咧 無地想伊 冬尾風裡飄搖的菅芒花 那像是伊四界走蹤的形影 無地想伊 伊奈不時飄來 我的腦海 那像天及地無外遠咧 後記：寫佇西屋公司Waltz Mill Site, 賓西的 Madison，Greensburg 的隔壁莊，1995年11月9日中晝。