紅嬰仔陳大中 ◎莊少 我有一位陳姓朋友 美國一流的台灣人科技人才 人生流程宛然是科學研究 頭胎是公的 聲波掃描已經確定 定光彩的日子 公元二千空一年七月初四 美國獨立紀念日 準備破腹 號名John Chen 美國人唔是叫John 道是叫Mary 台灣人唔是叫正一 道是叫靜美 John怹中國人天主教徒 號伊是若望 John怹中國人基督教徒 號伊是約翰 John咱台灣人科技人才 號伊是大中 我唔是甚麼科技人才 我嘛無甚麼創見 我只是小寡捌台灣名 我若是號John 我干單會曉取音正影(ng) 日頭正中晝 照著紅嬰仔 出正影 獨一無二 正名叫正一 我會號伊是陳正一 奈會叫陳大中 2001-5-22作