|
伊的一生
一. 伊生佇湖南水鄉 伊徙來蓬萊海島 伊讀冊 你來美留學 伊娶蓬萊姑娘 伊囝生家庭湠 伊佇西屋公司上班趁錢 伊厝徛核羅里達海港 伊歸家耍水釣魚 伊的人生觀 即呢簡單 足司馬杜 真飄翩 二. 伊是滾水工程師 伊專精神研究設計水蒸汽產生器 水蒸汽送互發電廠製造電氣 伊樂觀研究按怎燃滾水 伊嚴格開發新設計 伊認真分析怎樣每秒鐘出汽一千磅 伊輕鬆面對完工的期限 伊積極控制工程品質 伊悠閒慶祝新產品出廠 伊的人生秘密 道是遵守宇宙的規律 就是 嚴格對樂暢 認真對輕鬆 積極對悠閒 這款的對立統一之下 根據矛盾定律 有效率運轉 三. 伊踏過行過三個家鄉 第一湖南父祖之地 第二蓬萊生養飲水的鄉土 第三囝兒的美洲故鄉 三地對立統一 佇一九九五年市長選舉 伊勸將官的老父 票選互陳水扁 因為阿扁仔是真人才 嬴過新黨趙少康 比國民黨的黃大洲佫卡有魄力 伊的人生實踐 掠準客觀現實 就事論事 盡心盡力 趨向完美 四. 伊的一生 宛然一鈷滾水 伊用去發電造福社會 伊也用去泡茶 鼻芳 濕茶甘 啖茶苦 飲了 親像茶汽 消散佇釣魚的海墘
祭友，佇核羅里達的遍沙苦拉 |