|
牛馬人的歷史 1992 (b)
馬車開拓美國 牛車開發台灣 牛馬拖共款的車輦 卻是怹唔是共款的精牲 故鄉印度半島的是台灣牛 祖籍阿拉伯的是美國馬 台灣人駛牛車 美國人創馬車 牛馬共款互主人駛創 卻是怹的主人無共款 台灣牛的主人來自近代的 中國大陸 美國馬的主人來自近代的 歐洲 美國早就有印地安人 台灣早就有南島語族 怹共款互人叫做原住民 卻是怹的語言無共款 印地安人來自史前的亞洲大陸 南島語族來去史前的南太平洋 台灣人開山林 美國人拓平原 共款是惡霸人的土地 卻是用無共款的步數 南島語族煞來勼入山內 印地安人結局睏佇保留區 牛馬人攏是外來者 來的時代有先後 先來的是廟公，後來的是乞食 乞食卡厲害會使精牲 牛馬人創造的歷史真共款 攏是乞食趕廟公
胡民祥台語詩 |