蕃薯免著驚 蕃薯選舉鬧熱滾滾 台腳台頂攏是母語聲 選入立法院 變做芋仔出聲 蕃薯免著驚 自古政客愛爽政治 in是臭香的蕃薯 黨秘書長講卜辭職 引起蕃薯黨的不安 報紙華文報導 文宣主任：很震驚 蕃薯免著驚 苦惱咱有聲無字 母語真著驚互人翻譯去 三藩市來一個台灣官員 辦說明會推銷國共會談 土直的蕃薯仔舉手講母語 支那人起腳動手修理 蕃薯免著驚 自古咱講一句台語 道互老師罰錢徛烏枋 蕃薯黨一向無文化政策 雄雄開一場台灣文化會議 攏是蕃薯仔竟然北京語聲 台腳抗議無路用 蕃薯免著驚 怹唔知語言是文化的骨髓 矮化台語哪會有台灣文化 蕃薯臭香母語倒在半路 有聲無字文宣拍折 支那人煞敢鴨霸 文化會議母語失聲 蕃薯免著驚 完成賴和台語文學的路 咱道母語出頭天甚麼攏唔驚