|
翻頭看
一九八二年正月落雪天 阮老爸捷捷翻頭 看伊的後生，奈何 行去機門的通道 短短無幾步，煞落去 十五點鐘的噴射雲 會佫製造十五年的分離 一九八二年正月落雪天 阮也煞來翻頭 看著的是：十五年前 阮中年勇健的爸母 佇熱天的松山機場 送怹的後生 一九八二年正月落雪天 阮老母直直行無翻頭 看伊的後生，總是 佫看是會當按怎？ 唔免兩個十五秒鐘 就佫是十五年分離的開始 一九八二年正月落雪天 阮翻頭 看著的是：一九八一年六月天 阮提無著簽證的亞東協會辦事處 佇阮去出差的日本大阪城 只好拖著行李 飛轉來新大陸koh再流浪 一九八二年正月落雪天 阮佇停車場翻頭 看阮爸母離開的美東機場 是怎樣？ 一片白茫茫 白茫茫
1992-4-30初稿 |