|
核能跳機
送互府城三兄弟
有人真會跳 會跳車佫會跳船 為甚麼 為著顧三頓 有的人真敖跳 敖跳水佫敖跳傘 為甚麼 為著敖刺激 有的人真愛跳 愛跳遠佫愛跳高 為甚麼 為著愛運動 有的人真敢跳 敢跳火佫敢仙人跳 為甚麼 為著女色為著錢 佫外會跳車跳船 佫外敖跳水跳傘 佫外愛跳遠跳高 怹攏輸仙人跳 台灣電力算好好 下晡二三點仔 日頭赤炎炎 定定怹都核能跳機 電源有保險絲 防止用電超量起火燒 共款核能跳機的設施 預防原子爐發生意外 唔拘台灣電力真奇 報紙電視捷捷報 日月潭欠水怹上會跳 尖峰用電怹上敖跳 拄著反核能遊行怹上愛跳 佫有甚麼怹唔敢跳咧 俺娘咧 怹頭家為甚麼 叫他直直跳 敢是核能仙人跳咧
初稿 (92-10-1)， |