秋天雲 秋天雲罩天地 鐵鳥仔想欲飛 輾向紅葩葩的樹林 離地飛過樹尾溜 花紅洋裝滿山嶺 山嶺一嶺一嶺過 洋裝一領一領換 秋天雲罩天地 鐵鳥仔直直飛 茫霧起 忽然間 濛濛渺渺 秋天雲罩天地 鐵鳥仔一直飛 雄雄光芒四射 下腳雲罩變棉被 向天邊一塊一塊鋪 看 被頂浮著圓圓的虹 今暝一定好眠夢 秋天雲罩天地 人生可比是鐵鳥仔飛天 青春嶺一嶺一嶺過 旅途有時風有時雨 直直飛直直飛 飛甲風靜雨煞 伊都日頭出面 天出虹 一九九二年十月廿日飛機拄好飛出匹茲堡新機場，飛佇樹葉變色，花彩滿山的空中。初稿寫佇飛去亞套蘭塔的雲中。9-6-93定稿。