草及群眾 我的埕裡有一片草地 草仔偎水生根 有一年春天 想著才罕罕仔沃水 佫是大港大港沖 大部分衝落街路 草根結局淺淺浮土 彼年熱天亢旱 草仔死了了 我的故鄉有一陣人民 怹偎反對黨揣出路 有一派反對黨 拄著選舉才想起群眾 怹敖罵執政黨的惡霸 群眾聽甲爽歪歪 唔拘唔知啥物是民主 拄著買票 群眾倒了了 我的埕裡有一片草地 草仔偎水生根 有一年春天 每日照起工沃水 寬寬仔耐心沃 水一滴一滴滲入土 草根向土一枝一枝深深定 彼年熱天亢旱 草仔猶原青青青 我的故鄉有一陣人民 怹偎反對黨揣出路 有一派反對黨 每日勤勞教育群眾 穩穩仔靜靜娶 意識一點一點輸入 群眾知影按怎反抗 拄著分化 群眾猶原勇勇勇 一九九二年美東夏令會起稿，秋天 (92-10-31)定稿，92-11-14送互江蓋世先生，佇伊欲離開阮茉里鄉徛家厝的時。