東海天鵝 東海有蓬萊島 名產是稻仔蕃薯 佫有滿地的天鵝 偎水邊的草埔地 水蛙仔歸陣蛤蛤叫 囡仔兄恬恬聽 蟾蜍老老出一枝嘴 一隻一隻吐白瀾 一枝一枝滴滴流 歸陣宓佇中南海 青哥叫 農經專家蓬萊島主 興牽豬哥 向西喝 好好好 無管蟾蜍生梅仔 佫流瘡 東海天鵝清氣相 驚一趒 娶頭衝天 飛佇西太平洋 巡視烏水溝 天鵝已經有蕃薯伴 唔免你牽豬哥 蟾蜍聽好家己留咧用 抑是牽去上海牛肉場 娶去蘇州賣鴨卵也可以 道是不准你拖過烏水溝 東海有蓬萊島 滿地的天鵝 稻仔年年開花結穗 春來雉雞田岸叫 囡仔兄恬恬聽 看看看 蕃薯仔出頭天 天鵝自在飛來飛去 定稿 (94-1-8)