變 行過曠大的停車場 鼻著早起時的空氣 車場的綠島徛著 一排青翠的楓樹 行近去看著 滿樹青楓一葉紅 空中傳來聲聲鵝叫天 舉頭看著一陣野雁向南飛 掀開西歐的文學史 鼻著中古時代的紙味 字紙飄來文學語聲 一陣過了佫一陣 偎近去聽清楚 拉丁語一聲一聲無脈去 但哲《神曲》獨奏 義大利母語文學進行曲 飛過歷史地理的時空 看著亞洲東岸天光 美麗島浮出太平洋 南島語族神話的桃花鄉 飛夠近代聽歐語漢音日聲 三十年代賴和吟出〈相思〉台語歌詩 七十年代省議會台語「春雷」響 九十年代台語文學直直行 初稿 (93-9)，定稿 (94-1-23)，登《台文通訊》