中村君無轉去 亞洲蕃薯仔來北美 尋訪祖先 厝徛賓州的西爿 阮查某囝的故鄉 一滯二十外年 有一個美國囝仔十三歲 來兜參加生日宴會 手提二盒物件 一盒互阮查某囝 一盒是伊阿公的 請我解讀來自南太平洋的 五十外年的謎題 盒仔拍開來 現出一摺絲巾仔 展開來 跳出四粒漢字 武運長久 一條絲巾仔 伴著親情朋友的簽名墨寶 半世紀前的賀詞 武運長久 中央浮著一粒紅日頭 武運長久 中村君無轉去 1994年10月15日稿成北美賓西茉里鄉 原登《笠》詩刊第186期 (95-4-15)