中央古物院 美麗島嶼頂 歸園攏是蕃薯 中央一座古物院 盡收一寡活化石 啖死人血 食死人骨髓 吐死人話 無一絲仔蕃薯仔活氣 光直直行 二年一擺啊 發自東方新大陸 那像是野球分子束 橫過太平洋 會先拄著蕃薯島 恁敢會倚過來？ 當然囉 專程來赴廟會 食幾頓鮮臊大拜拜 然後阮卜緊旋 往西天去朝拜 天朝的囝孫華族 插恁蕃薯仔去死 漢學的故鄉 黃昏天的所在 日卜落倬雲道會出來 伊都晚霞滿天 夕陽近西天 啊！卜去趁早囉 漢唐死骨頭注恁掘 蕃薯園活氣旺 阮遮無漢學 免佫來 若愛蕃薯芋仔檳檸海洋文化 阮歡迎大家來做堆 研究台灣學 1994-4-22作，北美賓西茉里鄉。 收入《胡民祥台語文學選》，1995，「台南縣立文化中心」出版。