春天 殘雪三月天 風吹過 猶原透骨冷 唔拘 骨頭及溫度針啊 怹唔捌春天 厝埕_青綠水仙已經吐頭 含芽楓枝有紅尾鳥仔叫啼啦 美洲柳樹也垂風飲溪水 怹講 阮見證春天 解嚴後的鄉土 風吹過 猶原透骨冷 唔拘 政客及國家機器啊 怹唔捌春天 凍霜的蕃薯籐已經佫抽新芛 島上大陸芋仔也落土生根 南島檳榔軂軂嘛吐新青仔啦 怹講 阮製造春天 選舉政見會棚仔腳 風吹過 猶原透骨冷 唔拘 烏道及金權政治啊 怹唔捌春天 民心看破執黨搬賄選戲 民意逼在野黨清掃賄選黨員 民眾送花看好國會掠賄選 怹講 阮守護春天 3-25-94起稿，5-15-94定稿。