/ 胡民祥
阮埕裡有歲寒三友 偎厝邊有一排青松 靠近街路有一簇翠竹 後埕籬笆爬滿忍冬香 忍冬葉是鹿仔的冬草美糧
忍冬香冬天無花 伊偆藤葉烏綠綠 伊的香氣來自花芳 蜜蜂上愛來沾 西方人稱呼伊是引蜂花 東方人看重伊 藤及葉耐得冬天寒凍 號伊是忍冬香
近來有股票族 服侍忍冬香那神明 因為伊有偏名叫金銀花 拜伊忍冬著愛開銀捧金 股票族奈知啥物碗糕 股票起落那花開花謝 忍冬花拄生是銀 忍冬花卜往生是金
今，恁是愛金抑是銀？ 今，恁是愛金銀花呢？ 抑是忍冬葉萬年青？
寫佇茉里鄉 (2003-1-19)
