幼芷佫無限 -- 致偑宜及伊的翁婿 / 胡民祥 佇怹風城的厝埕 兩欉太陽花身叢勇健 枝葉油綠綠有夠青 春風滿面金黃色緻 怹的目珠笑微微 相著一模地瑜草猶原是幼芷 怹疼惜即模青黃青黃的幼兒 有身的伊 懷念著伊家己 古早紅嬰仔的日子 頭戴米色花盆帽仔一頂 彈一台細隻細隻的鋼琴 阿爸阿母身軀邊仔惜惜疼 海納百川厚德載物 這款的世界有影是足奇妙 紅嬰仔的伊翻一個身 掣來一身紅嬰仔囝 納德是伊的名 現此時伊是足幼芷 好佳哉有阿爸阿母真疼痛 卜互伊的天地無限暝日晟 初稿寫佇茉里鄉(2003-2-4), 定稿(2003-2-5)。