分寸 ／ 劉大元 心是破網落海 掠不住如魚前事 藍海張遲 魚蹤無影 心是落海破網 破離難補的 分寸 心是葉死水流 飄浪在生疏城市 河水張遲 城市無依 心是水流葉死 隨風凍水的 分寸 心是空船離港 犁過呀千湧海田 目睭張遲 港岸無恥 心是離港空船 撒籽期待的 分寸 心是空杯昂頭 等酒呀閣再滿斟 醉詩張遲 杯空無死 心是昂頭空杯 靈感乾去的 分寸 心是無盡路途 千山浪子度一生 風景張遲 催步無疑 心是路途無盡 腳印未了的 分寸 心是朋友相逢 當初呀面容已忘 笑哭張遲 對看無語 心是相逢朋友 賭強相攬的 分寸 心是錯事再錯 無法度理解的憨 世情張遲 憨事無知 心是再錯錯事 孤不二衷的 分寸 心是春風得意 撞死滿山樹花頂 鬧景張遲 莽動無緣 心是得意春風 過山早死的 分寸 心是破網落海 掠不住前事如魚 海笑張遲 網斷無夢 心是落海破網 無解無破的 分寸 1999年四月 耶卡吽市

.

Hun Chhun / Lau Taigoan sim si phoa bang lo hai lia put chu ju hi chian su na hai tiuN-ti hi chong bo iaN sim si lo hai phoa bang phoa li nan po e hun chhun sim si hio si chui lau phiau long chai chiN so siaN-chhi ho-chui tiuN-ti siaN-chi bo i sim si chui lau hio si sui hong tang chui e hun chhun sim si khang chun li kang le koe ah chhian eng hai chhan bak-chiu tiuN-ti kang-hoaN bo thi sim si li kang khang chun ia cheng ki-thai e hun chhun sim si khang poe gia thau tan chiu ah ko chai moa thin chui si tiuN-ti poe khang bo si sim si gia thau khang poe leng-kam ta khi e hun chhun sim si bo chin lo-to chhian soaN long-chu to it seng hong-keng tiuN-ti chhui po bo gi sim si lo-to bo chin kha-in boe liau e hun chhun sim si peng-iu siong hong tong-chho ah bin-iong i bang chhio khau tiuN-ti tui khoaN bo gi sim si siong hong beng-iu to-kiong sio lam e hun chhun sim si chho su chai chho bo-hoat-to li-kai e gong se cheng tiuN-ti gong su bo ti sim si chai chho chho su ko-put-ji-chiong e hun chhun sim si chhun-hong-tek-i long si moa soaN chhiu hoe teng nau keng tiuN-ti bong tong bo ian sim si tek-i chhun-hong koe soaN cha si e hun chhun sim si phoa bang lo hai lia put chu ju hi chian su hai chhio tiuN-ti bang toan bo bang sim si lo hai phoa bang bo kai bo phoa e hun chhun April 1999, El Cajon

分寸 Hun Chhun | 影壁 IaN Pia | 千狗 Chhian Kau | 狗怪 Kau Koai | 簡單 Kan Tan | 青驚 ChheN KiaN | 下凡 Ha Hoan | 生日 SeN Jit | 烏日 O Jit | 水湧 Chui Eng | 地圖 Te To | 典型 Tian Heng | 夜行 Ia Heng | 金戲 Kim Hi | 風神 Hong Sin | 風船 Hong Chun | 孤掌 Ko Chiong | 台北湖 Taipak O

	關於作者︰劉大元 (Andres Leo)，獅子座O血型，夢想家，物理學家，吉他、鋼琴、曼陀林、大小提琴玩家.... 絕頂聰明的平凡人，恁行自我自以為是，喜歡收集、彈奏絃樂器...愛寫詩寫小說譜曲填詞自娛，生平作品四散各處不想集結....本詩集是作者在1999年居住於美國加州聖地牙哥東緣莫哈比沙漠小鎮El Cajon耶卡吽所寫的零碎台語詩篇

回到 台灣五四三TAIWAN543 首頁